Чăваш чĕлхи эрни пынă май, ака уйăхĕн 22-мĕшĕнче, 1-мĕш класра вĕренекенсемпе, «Асанне патĕнче хăнара» вăйă-уяв иртрĕ. Ачасем чăваш тĕррипе, тумĕпе паллашрĕç. Асаннепе пĕрле юмах юптарчĕç, авалхи вăйăсемпе паллашса вылярĕç. Пĕр-пĕрне шӳт сăввисемпе витлесе те илчĕç. Уявра ачасем чăваш сăввисем каласа, чăвашла юрăсем шăрантарчĕç. Вăйă-уяв хаваслă иртрĕ. «Атте-анне чĕлхине, асатте-асаннесен йăлине манас марччĕ. Чăн-чăн чăваш чунлă чăваш ачисем пулăр. Чăвашăн ырă ятне яланах çӳллĕ шайра тытса пырар», - тесе вĕçлерĕ уява асанне.

1-мĕш класс ертӳçи Артемьева Е.В.